சர்வதேச மகளிர் தினத்தை முன்னிட்டு, ஆயுதப்படை பெண் காவலர்களுக்கான மகளிர் தின விழாவை காவல் ஆணையாளர் துவக்கி வைத்து, இனிப்புகள் வழங்கி, வாழ்த்தினார்

சர்வதேச மகளிர் தினத்தை (International Women‘s Day) முன்னிட்டு, 08.3.2021 அன்று மாலை, புதுப்பேட்டை, இராஜரத்தினம் மைதானத்தில், சென்னை பெருநகர காவல் ஆயுதப்படை பெண் காவல் ஆளிநர்களுக்கான மகளிர் தினவிழா நடைபெற்றது. சென்னை பெருநகர காவல் ஆணையாளர் மகேஷ் குமார் அகர்வால் மகளிர்தின விழாவை துவக்கி வைத்து, சிறப்புரை யாற்றினார். பின்னர் பெண் காவல் அதிகாரிகள் மற்றும் ஆளிநர்களுக்கு மகளிர் தின வாழ்த்துக் களை கூறி, காவலர் குடும்பத்தைச் சேர்ந்த பெண்களுக்கும் இனிப்புகள் வழங்கினார். பின்னர்
பெண் காவல் ஆளிநர்களின் கலை நிகழ்ச்சிகளை சக அதிகாரிகளுடன் கண்டுகளித்தார்.

இந்நிகழ்ச்சியில் கூடுதல் காவல் ஆணையாளர் (தலைமையிடம்) முனைவர் ஏ.அமல்ராஜ், இணை ஆணையாளர் (தலைமையிடம்) எஸ்.மல்லிகா, துணை ஆணையாளர்கள் எச். ஜெயலஷ்மி (பெண்கள் மற்றும் குழந்தைகளுக்கு எதிரான குற்றத்தடுப்பு பிரிவு), கே.சௌந்த ராஜன் (ஆயுதப்படை), காவல் அதிகாரிகள், ஆயுதப்படை பெண் காவலர்கள் மற்றும் காவலர் குடும்பத்தைச் சேர்ந்த பெண்கள் கலந்து கொண்டனர்.