“சொர்ணம் விஜய் ரன்” தேசபற்று முப்படை வீரர்களுடன் சென்னை பெருநகர காவல் குழுவினர் கலந்து கொண்ட மாரத்தான் ஓட்டம்.

1971 ஆம் ஆண்டு பாகிஸ்தான் நாடு மீது இந்திய இராணுவம் தொடுத்த போரில் வெற்றி பெற்று, பங்களாதேஷ் நாடு உருவான 50 ஆம் ஆண்டை நினைவூட்டும் வகையில், 21.02.2021 அன்று காலை 06.00 மணிக்கு தீவுத்திடலில் “சொர்ணம் விஜய் ரன்” என்ற பெயரில் நடைபெற்ற தேசபற்று கொண்ட 10 கிலோ மீட்டர் மாரத்தான் ஓட்டத்தில் சென்னை பெருநகர நுண்ணறிவு ப்பிரிவு உதவி ஆணையாளர் சங்கரலிங்கம், காவல் ஆய்வாளர்கள், ஆயுதப்படை காவலர்கள் மற்றும் முப்படை வீரர்கள் என 500க்கும் மேற்பட்ட நபர்கள் கலந்து கொண்டனர். மாரத்தான் ஓட்டம் மன்றோ சிலையில் துவங்கி, சுவாமி சிவானந்தா சாலை, ராஜாஜி சாலை, ரிசர்வ் வங்கி சாலை, பல்லவன் ஹவுஸ், நேப்பியர் பிரிட்ஜ் வழியாக மீண்டும் மன்றோ சிலைக்கு வந்து முடிவடைந்தது. மேற்படி ஓட்டத்தில் சென்னை பெருநகர காவல்துறையினர் சென்னை மக்களுக்காக சென்னை பெருநகர காவல் ”GCP For Chennnaites” என்ற வாசகம் அடங்கிய பதாகையுடன் சென்னை பெருநகர காவல் ஆணையர் தலைமையில் சிறப்பாக சேவை செய்து வருவதை மேற்கோள் காட்டி ஓடி வந்து ஓட்டத்தை நிறைவு செய்தனர்.