புதிய கட்சிக்கு புதிய மாற்றத்திற்கு வாழ்த்துக்களென்று ரஜினியை மு.க.அழகிரி வாழ்த்தினார்

2021ல் ஜனவரி மாதம் கட்சி ஆரம்பிக்க உள்ளதாக ரஜினிகாந்த் அறிவித்தார். மேலும் இதே ஆண்டில் டிசம்பர் 31-ம் தேதி கட்சி அறிவிப்பு வெளியாகும் என ட்விட்டரில் அறிவித்தார். “மாத்துவோம் எல்லாத்தையும் மாத்துவோம். இப்போ இல்லேன்னா எப்பவும் இல்ல” என கூறியிருந்தார். போயஸ்கார்டனில் உள்ள தனது இல்லத்தில் செய்தியாளர்களை சந்தித்தார். அப்போது தமிழருவி மணியன் மற்றும் அர்ஜூனா மூர்த்தியை தனது கட்சியின் தலைமை ஒருங்கிணைப்பாளராக நியமித்துள்ளார். தமிழக மக்கள் நலனுக்காக என் உயிரே போனாலும் பரவாயில்லை. நான் வென்றால் அது மக்களின் வெற்றி, நான் தோற்றால் அது மக்களின் தோல்வி“ என்றார். இதனையடுத்து தமிழக அரசியல் களம் பரபரப்பானது. ரஜினி ரசிகர்கள் கொட்டும் மழையில் பட்டாசு வெடித்தும் இனிப்புகள் வழங்கி் உற்சாகமாக கொண்டாடி வருகின்றனர். இந்த நிலையில் மறைந்த திமுக தலைவர் கருணாநிதியின் மூத்த மகன் அழகிரி, ரஜினிகாந்தை தொலைபேசி மூலம் தொடர்பு கொண்டு “புதிய கட்சிக்கு புதிய மாற்றத்திற்கு எனது வாழ்த்துக்கள்” என தெரிவித்து கொண்டார்.