*மூன்று R ஐத்* தேர்தலிலே பேசாதீர் என்று
முன்னுரையாய் இத்தேர்தல் பரப்புரைக்கே அரசு
ஆன்றதொரு *விதிமுறையை* அறிவிப்பாய்ச் செய்து
அருகில்வரும் தேர்தல்நாள் நேர்மையுடன் நடக்க
வேண்டுமெனும் விருப்பத்தை வெளிப்படுத்தி உள்ளார் !
விளையாட்டாய் *மூன்று R ஐத்* தேர்தல்பரப் புரையில்
வேண்டுமென்றே வாய்த்துடுக்காய்ப் பேசிடவே மக்காள்
விரும்பாதீர் என்பதுதான் அரசாங்க ஆணை !
*இனவாதம், மதவாதம், அரசாளர்* இவையே
இன்றுசொலும் *மூன்று R இன்* விளக்கமெனச் சொல்வார் !
இனம்பற்றி மதம்பற்றி அரசாளர் பற்றி
இத்தேர்தல் பரப்புரையில் எதும்பேச வேண்டாம் !
தினமிதனை *வேட்பாளர்,வாக்காளர்* யாரும்
தேர்தல்நலம் கருதியெதும் பேசுவதே தப்பு
கணப்பொழுதும் இதைநினைத்தே அனைவருடை பேச்சும்
கண்ணியமாய் அமைந்திடவே வேண்டுமெனக் கொள்வீர் !
மேற்கண்ட *மூன்று R ஐ* பேசுவதே பாவம் ;
வேண்டாமென் றிந்நாட்டு இந்தியர்;அச் சீனர்
நேர்கொண்ட பார்வையராய் இருந்துவரு கின்றார் ;
நினைப்பாலும் சொல்லாலும் செயலாலும் கூட !
நேர்மறையாய் *மூன்று R ஐச்* சிந்திக்கின் றாரே !
நெஞ்சறிந்து *மூன்று R ஐப்* பற்றியின்று பேசல்
யாரென்றே எல்லார்க்கும் சத்தியமாய்த் தெரியும்
என்பதனை அறிந்தவர்கள் யார்க்களிப்பார் வாக்கு ???
*பாதாசன்*
