மீண்டும் மீண்டும் தனது திறமையை நிரூபித்து வரும் இயக்குனர், நடிகர் ஆர்.வி.உதயகுமார்

இயக்குனர் ஆர்வி உதயகுமார் தமிழ் சினிமாவில் கமர்ஷியல் படங்களை இயக்கியதன் மூலம் ரசிகர்களுக்கு பரிச்சயமானவர்.‌ இவரது படங்களில் அனைத்து பாடல்களையும் இவரே எழுதுவார். அப்படி எழுதிய பாடல்கள்அனைத்தும் இன்று வரை கொண்டாடப்பட்டு வருகிறது. சின்னக் கவுண்டர், கிழக்கு வாசல், சிங்கார வேலன், பொன்னுமணி என இவரது படங்கள் எல்லாம் கிளாசிக் வகைகள். இவர் தற்போது நடிகராகவும் அவதாரம்எடுத்துள்ளார். ஏற்கனவே சில படங்களில் நடித்துள்ள இவர் தற்போது பிஸியான நடிகராக வலம் வருகிறார். தற்போது சூரி நாயகனாக நடிக்கும் கருடர் என்ற படத்தில் முக்கியமான வேடத்தில் நடித்து வருகிறார். இப்படத்தில் சசிகுமார், சமுத்திரக்கனி உள்ளிட்டோரும் நடித்துள்ளனர். மேலும் ஜென்டில்மேன் 2 படத்திலும்நடித்து வருகிறார். மற்ற மொழிகளிலும் நடித்து வரும் இவர் தமிழில் இன்னும் இரண்டு படங்களில் நடிக்கபேச்சுவார்த்தை நடந்து வருவதாக தெரிவித்துள்ளார்.