மது ஒழிப்பு விழிப்புணர்வுக்கான படம் ‘மூத்தக்குடி’

பிரகாஷ் சந்திரா தயாரிப்பில் ரவி பார்கவன் இயக்கியிருக்கும் படம் ‘ மூத்தக்குடி‘. எம்.சரக்குட்டி கதை வசனம் எழுதியுள்ளார். ஒரு கிராமத்தில் மது போதையில் கார் ஓட்டியதால் பெரும் விபத்து நடந்து பலபேர் இறந்து போய்விடுகிறார்கள். அதனால் அந்த கிராமத்தில் யாரும் மது குடிக்கக் கூடாது என்று கிராமத்தின் பெருசெல்வந்தரான கே.ஆர்.விஜயா தடை விதிக்கிறார். அதற்கு ஊர்மக்களும் கட்டுப்படுகிறார்கள். அந்த ஊருக்குள் சாராய ஆலை கட்ட முற்சிக்கிறார் வில்லன் ராஜ்கபூர். இதுதான் கதை. கோபத்திலும் அனுதாபத்திலும் புன்சிரிப்பிலும் மிளிர்கிறார் கே.ஆர்.விஜயா. இயக்குநர் தருண் கோபி வீரய்யன் கதாபாத்திரத்தில் தன்கதாபாத்திரத்தை நன்றாக உள்வாங்கி நடித்துள்ளார். உச்சக்கட்ட காட்சியில் நடிகை அன்விஷாஅனைவரையும் ஆச்சரியப்படுத்துகிறார். நகைச்சுவை கதாபாத்திரத்துக்கு ஆர்.சுந்தர்ராஜனும் சிங்கம் புலியும்வருகிறார்கள். ஆனால் நமக்கு நகைப்புதான் வரவில்லை.