தனியார்த் துறையின் ஊழியர்க்கே
தக்க *ஓய்வூ தியத்தினையே*
இனியொரு தாமத மில்லாமல்
இயல்பாய் வழங்க வேண்டுமென்றே
கனிந்த மன *டத் தோசிறியார்*
*சரவ ணன்* குரல் கேட்டிருக்கும்
தனியார் நிறுவன உரிமையர்கள்
தாமே முன்நின்(று) உதவிடட்டும் !
அரசின் ஊழியர் அனைவருக்கும்
அரசு வழங்கும் ஓய்வுநிதித்
தரத்தைப் பிரிக்க அரசாங்கம்
தனியொரு திட்டம் வகுத்திடவே
சிரத்தை கொண்டே இருப்பதனைத்
தெரிந்தே *டத்தோ சிறி* அவர்கள்
உரத்த குரலில் தனியாரின்
ஊழியர்க்(கு) உதவக் கேட்டுள்ளார் !
எனது சொந்த அனுபவத்தில்
ஏழும் முப்பதும். சேராண்டுக்
கணக்கில் தனியார் நிறுவனத்தில்
கவன மாக உழைத்திருந்தும்
பணிஓய் வுற்ற போதினிலே
பணியூ தியமாய் ஏதுமின்றி
முனித லின்றி வந்தவன்நான்
மூச்சுப் பேச்சே விடுதலின்றி !
இதனால் தனியார் நிறுவனத்தை
ஏதும் குறைசொல முடியாது !
எதனால் என்றால் அவர்களுடன்
எவ்வித ஒப்பந் தமுமில்லை !
அதனால் அவர்கள் ஓய்வுபெற்ற
அடியே னுக்கும் வழங்கவிலை !
இதனைப் பிறரும் தவிர்த்திடவே
ஏற்ற(து) உரைத்தார் சரவணனும் !
அரசு வருவாய் அதிலதிகம்
ஆகும் தனியார் தருவதுதான் !
வருவாய் அதினில் சிறுபகுதி
வழங்கத் தனியார் தந்துவந்தால்
வருவாய் ஓய்வூ தியமாக
வருமே தனியார் ஊழியர்க்காம் !
சரவணன் கருத்தில் ஞாயமுண்டு !
தனியார்த் துறையீர் ஆய்ந்திடுக !
*பாதாசன்*
