சீரழிந்து கிடக்கின்ற *ஒற்று மையைச்*
செழித்தோங்கச் செய்வதற்கு வழிகா ணாமல்
பேரழியா திருக்கின்ற *மித்ரா* வுக்காய்ப்
பெருந்திட்டம் வரைவதற்கே *அமைச்சர் டத்தோ*
*ஆரொன்அ கோடகாங்* முனைந்துள் ளாராம் !
அமைச்சருடை அறிவிப்போ நம்நெஞ் சுள்ளே
நேரத்தை வீணடிக்கும் செயலாய்த் தோன்றும் ;
நிம்மதியைச் சிதறடிக்கும் வேட்டாய்க் காணும் !
இந்தியர்க்காய் அன்றையநாள் *இண்ட்ராப்* தந்த
பெருந்திட்டத் தின்முடிவும் என்னா யிற்றாம் ?
இந்தியர்க்காய் *ம . இ. கா . தலைவர் சுப்ரா*
இயற்றியதோர் அருந்திட்டம் எங்கே…எங்கே ?
இந்தியர்தம் பெருந்திட்டம் *இரண்டை* யார் ; யார்
எங்கெங்கே போட்டார்கள் ? இன்று மீண்டும்
முந்திநின்று *மித்ரா* வின் மூலம் போடும்
*மூன்றாம்திட் டத்தாலே* எதுதான் ஆகும் ?
கைக்குள்ளே வெண்ணெய்தனை வைத்துக் கொண்டு
கால்போன போக்கினிலே நெய்யைத் தேடும்
*சைக்கோ* போல் செயல்படுதல் தேவை தானா ?
“தனக்கொன்றும் தெரியாது *மித்ரா* பற்றி
எக்கருத்தும்” என்றமைச்சர் கூறி விட்டே
இதையறிய *பட்டறையும்* நடக்கும் என்றார் ;
முக்கியமாய் *இனிமேல்தான் இந்தி யர்தம்*
*முழுச்சிக்கல்* யாவையெனத் தெரியும் என்றார் !
தேர்தலிலே வாக்களித்தார் இந்தி யர்க்காய்ச்
செய்திடுவோம் பல,என்றே வாக்கைப் பெற்றுத்ச்
தேர்தலிலே வென்றபினர் *இந்தி யர்யார் ?*
தெரியாதே ; தெரிந்தாலும் அவர்கட் கென்றே
ஓர்உதவி *மித்ரா* வின் மூலம் செய்ய
உடனடியாய் முடியாதாம் ; ஆய்வு செய்தே
ஓரறிக்கை தயாரித்த பின்னர் தானே
உதவியெனில் அநியாயம் அநியா யந்தான் !
மித்ராவின் *தலைவரவர் பிரபா* என்றே
மேற்போக்காய் அறிவித்து விட்டே பின்னர்
மித்ராவின் தலைவரைப்போல் *டத்தோ ஆரோன்*
வேடமிடல் எதற்காக ? *பிரபா* தம்மை
*மித்ரன்* போல் கருதி,அவர் முதுகில் குத்தல்
விவேகமுள்ள செயல்தானா ? இந்தி யர்கள்
*சத்துருவாய்* இந்தியர்க்கே ஆன தால்தான்
சங்கடங்கள் தொடர்ந்துபல வருமே காண்பீர் !
*பாதாசன்*
