பதினைந்து மாணவர்கள் *இருந்தால் தானே*
பள்ளிகளாம் இடைநிலையில் தமிழ்ப டிக்கப்
பதிந்திடவே முடியுமெனும் *விதியை மாற்றிப்*
*பத்துமா ணவரிருந்தால் போதும் ஆங்கே*
*பதிந்துதமிழ் படித்திடவே முடியும்* என்று
பாசமுடன் *பிரதமரும்* சொல்லி யுள்ள
பதிலுமொரு பக்கத்தில் இருந்த போதும்
படிப்பிக்க *ஆசிரியர் இல்லை யாமே !?*
இடைநிலையின் பள்ளிகளில் தமிழைக் கற்க
இருக்கின்ற *அரும்வாய்ப்பை* இழப்ப தற்கு
நடைமுறையில் *பலபெற்றோர் இருக்கும் வேளை*
நன்முறையில் தமிழ்கற்றுக் கொடுப்ப தற்கே
இடைநிலைப்பள் ளிகள்களிலே போது மானோர்
இல்லை *தமிழ் ஆசிரியர்* என்னும் சேதி
இடிபோன்று விழுந்ததையா தமிழர் நெஞ்சில்!
இதன் *தீர்வு கல்வியமைச் சகத்தின் கையில் !*
பல்கலையாம் *உப்சியிலே* தமிழைக் கற்றுப்
பட்டயங்கள் பெற்றுள்ளோர் பலரி ருக்கச்
*சொல்வதுவோ தமிழ்கற்றுக் கொடுப்ப தற்குத்*
*தோதான ஆசிரியர் இல்லை என்று !*
அள்ளிவிடும் இப்பொய்யைக் கேட்ப தற்கே
ஆளில்லை யா ? நாங்கள் உள்ளோம் என்று
துள்ளியெழ வேண்டாமா தமிழப் பெற்றோர் ?
*தூங்கியதும் போதாதா ? இனுமா தூக்கம் ?*
இடைநிலையின் பள்ளிகளில் பயிலு கின்ற
இந்தியர்தம் பிள்ளையெலாம் தமிழ்ப டிக்க
உடனடியாய்ப் பதிந்திடவே பெற்றோர் முற்றாய்
உடன்படவே செய்திடுவீர் ! அடுத்த தாகக்
கடமை,நம் உரிமையென முடிவு டுத்துக்
கட்டாய மாய்த்தமிழைக் கற்பிக் கத்தான்
இடைநிலையில் *தமிழாசி ரியர்கள் தம்மை*
*இப்போதே அமர்த்தட்டும் அரசாங் கத்தார் !*
*பாதாசன்*
