சமீபகாலமாக தமிழ் சினிமா சந்தித்திருக்கும் மாபெரும் ஒரு சவால்தான் இணையதள வியாபாரம். கடந்த வருடங்கள் போல் இல்லாமல் மிகக் கடினமான சூழ்நிலையில் தமிழ்த் திரைப்படங்கள் இந்த வியாபாரத்தில் போராடிக் கொண்டிருக்கிறது. ஒரு திரைப்படம் திரையரங்கில் வெளியாகி வெற்றிகரமாக ஓடிய பிறகே இணையதளத்ஹில் ஒப்பந்தம் முடிவாகும் என்ற சூழல் இப்போது உருவாகியுள்ளது. இந்த காலக் கட்டத்தில் திரைக்கு வரும் முன்னரே “திரு.மாணிக்கம்” திரைப்படத்தை பார்த்து இதயம் கரைந்து இந்தப் படம் எல்லா தரப்பினருக்கும் ஏற்ற படமாகவும் மனதை நெகிழ வைக்கும் படமாகவும் இருக்கும் என்பதை உணர்ந்து ஜீ தமிழ் “திரு.மாணிக்கம்” திரைப்படத்தின் இணையதள உரிமையை வாங்கி உலகமெங்கும் வெளியிடவிருக்கிறார்கள். இப்படத்தில் சமுத்திரக்கனி, பாரதிராஜா, அனன்யா, நாசர், தம்பி ராமையா, இளவரசு, ஸ்ரீமன், வடிவுக்கரசி, கருணாகரன், சாம்ஸ் என பல முன்னணி நட்சத்திரங்கள் நடித்துள்ளார்கள். விஷால் சந்திரசேகர் இசையமைத்துள்ளார்.***********
இயற்கை எழில் கொஞ்சும் இடங்களை அப்படியே பதிவு செய்து கண்ணுக்கு விருந்தளித்துள்ளார் ஒளிப்பதிவாளர் சுகுமார்… விறுவிறுப்பான திரைக்கதையில் இயக்குனர் நந்தா பெரியசாமி திரு.மாணிக்கம் திரைப்படத்தை இயக்கியுள்ளர்… ரேகா ரவிக்குமார், ஜிந்தா கோபாலகிருஷ்ண ரெட்டி, ராஜா செந்தில் ஆகியோர் தயாரித்துள்ளனர்…
