தனுஷ் நடிக்கும் அடுத்த படம் “டி.55” பூஜையுடன் தொடங்கியது

கோபுரம் பிலிம்ஸ் நிறுவனம், தங்களது ஏழாவது திரைப்படத்தை அறிவித்துள்ளது. ஜி.என். அன்புசெழியன் வழங்கும் “டி55” திரைப்படத்தில்  தனுஷ் நடிக்கின்றார். இயக்குநர் ராஜ்குமார் பெரியசாமி எழுத்து இயக்கத்தில் உருவாகும் இந்தத் திரைப்படம், ஒரு  சினிமா அனுபவமாக இருக்கும். தனது “ராயன்” திரைப்படத்தின்  வெற்றியைத் தொடர்ந்து, நடிகர் தனுஷ் “டி55” இல் களமிறங்குகிறார். இயக்குநர் ராஜ்குமார் பெரியசாமி,  திரைக்கதை, இயக்கத்தில் சமீபத்தில் திரையரங்குகளில் வெளியான “அமரன்” படம் வெற்றி பெற்றுள்ளது. அதே போல “டி55” படத்திலும்  தனது தனித்துவமான கதை மூலம், ரசிகர்களை மகிழ்விக்கவுள்ளார். “டி55” படத்தின் தயாரிப்பாளர் சுஸ்மிதா அன்புசெழியன் கூறுகையில்.., “தனுஷ் சார் மற்றும் இயக்குநர் ராஜ்குமார் பெரியசாமியுடன் இணைந்து பணியாற்றுவதில் நாங்கள் மகிழ்ச்சியடைகிறோம். “அற்புதமான திறமைமிக்க, இந்த இருவரின் கூட்டணியில், இப்படம் ஒரு தலைசிறந்த படைப்பாக இருக்கும்” என்றார்.********