விஜய் பெயரில் கட்சி – ஆனால் விஜய்யின் கட்சியில்லை என எஸ்ஏசி புது விளக்கம் தருகிறார்

நடிகர் விஜய்க்கு தமிழகத்தில் உள்ள ரசிகர் பட்டாளம் நாம் அறிந்த ஒன்றுதான். ஆயிரக் கணக்கான ரசிகர் மன்றங்கள் அவருக்கு உள்ளன. மேலும் விஜய் மக்கள் இயக்கம் என்ற பெயரிலும் அவரின் ரசிகர்கள் செயல்பட்டு வருகின்றனர். இந்த நிலையில் அகில இந்திய தளபதி விஜய் மக்கள் இயக்கம் என்ற பெயரை தேர்தல் ஆணையத்தில் பதிவு செய்துள்ளார் அவரது தந்தை எஸ்ஏசி. கட்சி தலைவராக பத்மநாபன், பொதுச்செயலாளர் எஸ்.ஏ.சந்திரசேகர், பொருளாளர் ஷோபா என விண்ணப்பத்தில் குறிப்பிடப்பட்டுள்ளது. இதனிடையே, விஜய்யின் தந்தை எஸ்.ஏ. சந்திரசேகர் ஒரு பிரபல டிவிக்கு அளித்த பேட்டியில், அகில இந்திய தளபதி விஜய் மக்கள் இயக்கம் என்ற பெயரில் அரசியல் கட்சியை பதிவு செய்திருப்பதாகவும், இது விஜய்யின் கட்சி அல்ல என்றும் தெரிவித்தார். மேலும் விஜய் அரசியலுக்கு வருவாரா.? வரமாட்டாரா.? என்பது குறித்து தன்னால் கருத்து சொல்ல முடியாது எனவும் எஸ்ஏ சந்திரசேகர் தெரிவித்துள்ளார்.