பி.டி.ஜி.யுனிவர்சல் நிறுவனத்தின் மூன்றாவது படைப்பாக, அருண் விஜய் நடிப்பில், கிரிஷ் திருக்குமரன் இயக்கி வரும், “ரெட்ட தல” படத்திற்காக நடிகர் தனுஷ் ஒரு பாடல் ஒன்றைப் பாடியுள்ளார். முன்னதாக நடிகர் தனுஷ் இயக்கத்தில் நடிகர் அருண் விஜய் நடிக்க, இருவர் கூட்டணியில் உருவாகும் “இட்லி கடை” படத்திற்கு ரசிகர்கள் மத்தியில் பெரும் எதிர்பார்ப்பு நிலவி வரும் நிலையில், இந்தக் கூட்டணி மீண்டும் ரெட்ட தல படத்தில் இணைந்துள்ளது, ரசிகர்களை உற்சாகத்தில் ஆழித்தியுள்ளது. இசையமைப்பாளர் சாம் சி.எஸ்.இசையில் உருவாகியுள்ள இந்த பாடலை தனுஷ் பாடியுள்ளார். இப்பாடலுக்கான படப்பிடிப்பு படக்குழு வெளிநாட்டில் பல இடங்களில் படமாக்கியுள்ளனர். விரைவில் இப்பாடல் லிரிகல் காணொளி வடிவில் வெளியிட திட்டமிடப்பட்டுள்ளது.******
இரண்டு முன்னணி நட்சத்திர நடிகர்கள் எந்த வித ஈகோவும் இல்லாமல், இணைந்து பணியாற்றுவது ரசிகர்களிடையே பாராட்டுக்களைப் பெற்று வருகிறது. நடிகர் அருண் விஜய் நாயகனாக நடிக்கும் இப்படத்தில், சித்தி இத்னானி அவருக்கு ஜோடியாக நடிக்கிறார், இவர்களுடன் தான்யா ரவிச்சந்திரன், ஹரீஷ் பேரடி, யோகேஷ் சாமி, ஜான் விஜய், பாலாஜி முருகதாஸ் ஆகியோர் முக்கிய கதாபாத்திரங்களில் நடிக்கிறார்கள். இப்படத்தினை BTG Universal நிறுவனம் சார்பில் திரு.பாபி பாலச்சந்திரன், மிகப்பெரும் பொருட்செலவில், அருண் விஜய் திரை வாழ்க்கையில் இதுவரை இல்லாத வகையில் மிகப்பிரம்மாண்ட படைப்பாகத் தயாரிக்கிறார். தமிழ் திரையுலகில் பல முன்னணி தயாரிப்பு நிறுவனங்களில் தலைமை நிர்வாக இயக்குநராக பணியாற்றிய திரு டாக்டர் M. மனோஜ் பெனோ, தற்போது BTG Universal நிறுவனத்தின் தலைமை திட்ட இயக்குநராக பொறுப்பேற்று திரைப்படங்களின் அனைத்து நிர்வாகப் பணிகளையும் செய்து வருகிறார்.
தொழில் நுட்ப கலைஞர்கள் விபரம் தயாரிப்பு நிறுவனம் – BTG Universal தயாரிப்பாளர் – பாபி பாலசந்திரன் தலைமை நிர்வாக இயக்குனர் – டாக்டர் M. மனோஜ் பெனோ இயக்கம் – கிரிஷ் திருக்குமரன் இசை – சாம் CS ஒளிப்பதிவு – டிஜோ டாமி எடிட்டர் – ஆண்டனி ஸ்டண்ட் – PC ஸ்டண்ட்ஸ் கலை இயக்கம் – அருண்சங்கர் துரை உடை வடிவமைப்பு – கிருத்திகா சேகர் பப்ளிசிட்டி டிசைனிங் – பிரதூல் NT மக்கள் தொடர்பு – சதீஷ், சிவா (AIM)
