இன்று (14.11.2024) தேசிய குழந்தைகள் தினத்தினை முன்னிட்டு செங்கல்பட்டு மாவட்ட ஆட்சியர் அலுவலகத்தில், Coffee with Collector நிகழ்ச்சியாக நந்திவரம் அரசு மேல்நிலைப்பள்ளியை சார்ந்த 15 மானவிகளுடன் மாவட்ட ஆட்சித் தலைவர் திரு.ச.அருண்ராஜ், இ.ஆ.ப., அவர்கள் கலந்துரையாடினார். இதில், எவ்வாறு படிப்பது, உயர்கல்வி நிறுவனங்களில் எவ்வாறு சேர்வது, நேர மேலாண்மை, பொழுது போக்கு, விளையாட்டில் ஆர்வம் செலுத்துதல், புத்தகங்கள் மற்றும் செய்தித் தாள்கள் வாசித்தல், இலக்குகளை தீர்மானித்தல், தன்னம்பிக்கையுடன் செயல்பட்டு இலக்குகளை அடைதல், உயர் பதவிகள் பெற்று சமூகத்திற்கு சேவை செய்தல் போன்ற தகவல்கள் சார்ந்து கலைந்துரையாடி விளக்கங்கள் பெற்றனர். உடன் மாவட்ட முதன்மை கல்வி அலுவலர் திருமதி.கற்பகம், முதன்மை கல்வி அலுவலரின் நேர்முக உதவியாளர் திரு.உதயகுமார், மற்றும் அரசு அலுவலர்கள், மாணவிகள் உள்ளனர்.
