செங்கல்பட்டு மாவட்டத்தின் மக்கள் தொகை 24,09,927 ஆகும். நமது மாவட்டத்தில் 49 ஆரம்ப சுகாதாரநிலையங்கள், 284 துணை சுகாதார நிலையங்கள் உள்ளன. நமது மாவட்டத்தில் பொது சுகாதாரம் மற்றும்நோய் தடுப்பு மருந்து துறையின் சார்பில் வருடந்தோறும் மார்ச் மற்றும் செப்டம்பர் மாதங்களில் 6 மாதம் முதல் 5 வயது வரையிலுள்ள அனைத்து குழந்தைகளுக்கும் வைட்டமின் A திரவம் வழங்கப்படுகிறது. அவ்வண்ணமே, இந்த வருடமும் நாடு தழுவிய வைட்டமின் A திரவம் வழங்கும் முகாம் செப்டம்பர் மாதம்19.09.2023- முதல் 23.09.2023 நடைபெறுகிறது. விடுபட்ட குழந்தைகளுக்கான சிறப்பு முகாம் 25.09.2023திங்கள் கிழமை அன்று நடைபெறுகிறது. நமது செங்கல்பட்டு மாவட்டத்தில், காட்டாங்கொளத்தூர் வட்டம், அனுமந்தபுத்தேரி நகராட்சி தொடக்கபள்ளியில் அருகில் குழந்தைகள் மையத்தில் ஒருங்கிணைந்த குழந்தைகள் வளாச்சிப் பணிகள் துறையின்சார்பாக 6 மாதம் முதல் 5 வயது வரையுள்ள குழந்தைகளுக்கு வைட்டமின் ஏ திரவம் வழங்கும் சிறப்புமுகாமினை மாவட்ட ஆட்சித் தலைவர் திரு.ஆ.ர.ராகுல் நாத், இ.ஆ.ப., அவர்கள் இன்று (19.09.2023) துவக்கிவைத்தார்.
வைட்டமின் A திரவம் வழங்கும் முகாம் அனைத்து அங்கன்வாடி மையங்கள், அரசு ஆரம்ப சுகாதாரநிலையங்கள், துணை சுகாதார நிலையங்களில் வழங்கப்படுகிறது. நமது மாவட்டத்தில் உள்ள 8 ஒன்றியங்களில் 1266 அங்கன்வாடி மையங்களில் 227913 ஆறு மாதம் முதல் 5 வயது வரை உள்ளகுழந்தைகளுக்கு அங்கன்வாடி பணியாளர்கள், மற்றும் கிராம சுகாதார செவிலியர்கள் மூலம் வழங்கப்படஉள்ளது இந்த வைட்டமின் A திரவம் உட்கொள்வதன் மூலம் வைட்டமின் A குறைபாடுகளான மாலை கண், வறண்டதோல், பார்வை குறைபாடு போன்ற நோய்கள் தடுக்கப்படுகின்றன. எனவே, பெற்றோர்கள் அனைத்து குழந்தைகளுக்கும் வைட்டமின் A திரவம் உட்கொள்ள ஊக்குவிக்கவேண்டும். அங்கன்வாடி பணியாளர்கள் பொது சுகாதாரம் மற்றும் நோய் தடுப்பு துறை பணியாளர்களுடன்இணைத்து அனைத்து குழந்தைகளுக்கும் வைட்டமின் A திரவம் வழங்கும் முகாம் பற்றியும் அதன்முக்கியத்துவம் பற்றிய விழிப்புணர்வு ஏற்படுத்த வேண்டும் என மாவட்ட ஆட்சித் தலைவர் அவர்கள்கேட்டுக்கொண்டுள்ளார்.
இம்முகாமில் துணை இயக்குநர் (சுகாதாரப் பணிகள்) மரு.பரணிதரன், ஒருங்கிணைந்த குழந்தைகள் வளர்ச்சிதிட்ட அலுவலர் திருமதி.க.சற்குணா மற்றும் அரசு அலுவலர்கள், செவிலியர்கள் கலந்து கொண்டனர்.
