சென்னை, கே.கே.நகர், ஒட்டகப்பாளையம், 95வது தெருவைச் சேர்ந்த ஆகாஷ், வ/25, த/பெ.கண்ணன் என்பவர் 12.07.2022 அன்று இரவு, வீட்டினருகே, அவரது காரைநிறுத்தி விட்டு தூங்கச் சென்றார். 13.07.2022 அன்று அதிகாலை சுமார் 02.00 மணியளவில்கண்ணாடிகள் உடைக்கும் சத்தம் கேட்டு ஆகாஷ் எழுந்து பார்த்தபோது, அவரது கார்கண்ணாடியை 3 நபர்கள் கட்டையால் அடித்து உடைத்துக் கொண்டிருந்தனர். ஆகாஷ்சத்தம் போட்டுக் கொண்டே அவர்களை துரத்திச் சென்றபோது, 3 நபர்களும்தப்பியோடிவிட்டனர். ஆகாஷ் அருகில் சென்று பார்த்தபோது, அங்கு நிறுத்தப்பட்டிருந்த ஆகாஷின் கார் உட்பட 4 கார்கள் மற்றும் ஒரு டாடா ஏஸ் சரக்கு வாகனத்தின்கண்ணாடிகள் உடைக்கப்பட்டிருந்தது தெரியவந்தது. இது குறித்து ஆகாஷ், R-8 வடபழனிகாவல் நிலையத்தில் கொடுத்த புகார் மீது வழக்குப் பதிவு செய்து விசாரணைமேற்கொள்ளப்பட்டது.
R-8 வடபழனி காவல் நிலைய ஆய்வாளர் தலைமையிலான காவல் குழுவினர் சம்பவஇடத்தில் தீவிர விசாரணை செய்து, மேற்படி கார் கண்ணாடிகளை உடைத்த ஜெகதீஷ் (எ) தனுஷ், வ/21, த/பெ.தட்சிணாமூர்த்தி, ஒட்டகப்பாளையம் 7வது தெரு, கே.கே.நகர், சென்னை என்பவரை கைது செய்தனர். விசாரணையில் எதிரி ஜெகதீஷ் (எ) தனுஷ் அவரது நண்பர்களான சந்துரு மற்றும்ஸ்டீபன் ஆகியோருடன் சேர்ந்து மேற்படி கார்கள் மற்றும் சரக்கு வாகனத்தின்கண்ணாடிகளை உடைத்ததும், இதில் ஜெகதீஷ் (எ) தனுஷ் மீது ஏற்கனவே 1 அடிதடிவழக்கு உள்ளதும் தெரியவந்தது. கைது செய்யப்பட்ட எதிரி ஜெகதீஷ் (எ) தனுஷ் விசாரணைக்குப் பின்னர் நேற்று(14.07.2022) நீதிமன்றத்தில் ஆஜர்படுத்தப்பட்டு உரிய சட்ட நடவடிக்கை எடுக்கப்பட்டது. மேலும், தலைமறைவாக உள்ள சந்துரு மற்றும் ஸ்டீபன் ஆகியோரை பிடிக்க காவல்குழுவினர் தேடுதலில் ஈடுபட்டுள்ளனர்.
