சென்னை பெருநகர காவல் ஆணையாளர் திரு சந்தீப் ராய் ரத்தோர், இ.கா.ப., அவர்கள் தடகள மற்றும்விளையாட்டு வீரர்களுக்கு பல்வேறு வகையான விளையாட்டு உபகரணங்களை வழங்கினார். சென்னைபெருநகர காவல் விளையாட்டு அணிகள், விளையாட்டு வீரர்கள் மற்றும் வீராங்கனைகள் மாநில, தேசியஅளவிலான போட்டிகள் மற்றும் உலக காவல்துறை மற்றும் தீயணைப்பு விளையாட்டுகளில் பல பதக்கங்களைவென்றுள்ளனர்.
மேலும், சென்னை பெருநகர காவல் ஆணையாளர் அவர்கள் புதுப்பேட்டை ராஜரத்தினம் மைதானத்தில்புதிதாக கட்டப்பட்ட குத்துச்சண்டை மேடை மற்றும் விளையாட்டு உபகரணங்கள் வைப்பறையை திறந்துவைத்தார். மேலும், தடகளம், ஹாக்கி, கைப்பந்து, கால்பந்து, கூடைப்பந்து, கையெறிபந்து, குத்துச்சண்டை, மல்யுத்தம், கோகோ உள்ளிட்ட பல்வேறு விளையாட்டு உபகரணங்களை வழங்கினார். மேற்படி திட்டத்திற்கானசெலவு அரசு நிதி ஒதுக்கீட்டின் கீழ் ரூ.11 லட்சம் ஒதுக்கீடு செய்யப்பட்டது.
இந்நிகழ்ச்சியில், சென்னை பெருநகர காவல் இணை ஆணையாளர் (தலைமையிடம்) திருமதி.A.கயல்விழி, இ.கா.ப, துணை ஆணையாளர்கள் திரு.S.ராதாகிருஷ்ணன் (தலைமையிடம்) திரு.M.ராதாகிருஷ்ணன்(ஆயுதப்படை), திரு.S.கோபால் (மோட்டார் வாகனப்பிரிவு) கலந்து கொண்டனர்.
