சென்னை பெருநகர காவல் ஆணையரகத்தில், கண்காணிப்பாளராக (அமைச்சுப்பணியாளர்) பணிபுரிந்துவந்த திரு,பி.ஜலால் போஸ் உடல் நலக்குறைவால் 21.01.2023 அன்று இறந்தார். இறந்துபோன கண்காணிப்பாளர் குடும்பத்துக்கு உதவுவதற்காக, தமிழ்நாடு காவல்துறை அமைச்சுப் பணியாளர்சங்கத்தின் சார்பில் ரூ.5,00,000/- நிதி திரட்டினர்.
சென்னை பெருநகர காவல் ஆணையாளர் சந்தீப் ராய் ரத்தோர், இ.கா.ப. (22.12.2023) காவல் ஆணையரகத்தில், இறந்துபோன கண்காணிப்பாளர் தெய்வத்திரு.ஜலால் போஸ் அவர்களின் மனைவி குடும்பத்தாரிடம் மேற்படி ரூ.5,00,000/- பணத்திற்கான காசோலையை வழங்கினார்.
இந்நிகழ்வின்போது, தமிழ்நாடு அமைச்சுப் பணியாளர் சங்கத்தின் மாநில தலைவர் க.சென்னகேசவன், மாநில பொதுச் செயலாளர் பெ.சத்தியேந்திரன், மாநில துணைத்தலைவர் ஜெ.சுப்புராயலு, மாநில நிர்வாகிகள் மற்றும் சென்னை பெருநகர அலுவலக கிளை சங்க நிர்வாகிகள் உடனிருந்தனர்.
