நடிகர் கார்த்தியின் பிறந்தநாளைக் கொண்டாடும் வகையில் ‘ஜப்பான்‘ படத்தின் சிறப்பு முன்னோட்டக் காட்சியை ட்ரீம் வாரியர் பிக்சர்ஸ் வெளியிட்டது. இயக்குனர் ராஜு முருகன் இயக்கத்தில் ஜப்பான் திரைப்படம். உருவாகி வருகிறது. தற்போது தனது 25வது படமான ‘ஜப்பான்‘ மூலம் மீண்டும் ரசிகர்களுக்கு மறக்க முடியாத ஒரு அனுபவத்தைத் தரவுள்ளார். அவரது திரைப் பயணத்தின் இந்த புதிய அத்தியாயம் திரைப்பட ரசிகர்கள் அனைவரையும் உற்சாகத்தில் ஆழ்த்தும்படி உருவாகி வருகிறது. மே 25 கார்த்தியின் பிறந்த நாளை முன்னிட்டு, ஜப்பான்திரைப்படத்தின் சுவாரசியமான சிறப்பு முன்னோட்டத்தை வெளியிட்டது. அனு இம்மானுவேல் கதாநாயகியாக நடிக்க தெலுங்கு நடிகர் சுனில் இந்தத் திரைப்படம் முலம் தமிழில் அறிமுகமாகிறார்.***********
தேசிய விருது பெற்ற இசையமைப்பாளர்ஜிவி பிரகாஷ் இப்படத்திற்கு இசையமைக்கிறார். சமீபத்திய வெற்றிப் படங்கள் பலவற்றின்படத்தொகுப்பாளராக பணியாற்றியிருக்கும் ஃபிலோமின் ராஜ் படத்தொகுப்பை கவனித்து வருகிறார். இந்திய சினிமாவின் முக்கியமான, முன்னணி தொழில்நுட்பக் கலைஞர்களில் ஒருவரான ரவிவர்மன்ஒளிப்பதிவு செய்கிறார். படக்குழுவினர் உற்சாகமாக படத்தின் இறுதிக்கட்ட படப்பிடிப்பிற்கு தயாராகிவருகின்றனர். ஜப்பான் பிரம்மாண்ட தீபாவளி வெளியீடாகத் திட்டமிடப்பட்டுள்ளது.
