கேரம் போட்டியில் உலக கோப்பை வென்ற காசிமா: மனிதநேய மக்கள் கட்சி வாழ்த்து

அமெரிக்காவில் நடைபெற்ற 6-வது உலகக் கோப்பை கேரம் சாம்பியன்ஷிப் போட்டியில் தமிழக வீராங்கனை காசிமா, 3 தங்கப் பதக்கங்களை வென்று அசத்தியுள்ளார். மகளிர் தனிநபர், இரட்டையர் பிரிவு, குழு பிரிவு என 3 பிரிவுகளிலும் அவர் சாம்பியன் பட்டம் வென்று சாதனை படைத்துள்ளார். அவரின் இந்த சாதனையால் நாட்டிற்கு பெருமை சேர்த்துள்ளார். காசிமாவின் சாதனைக்கு மனிதநேய மக்கள் கட்சி சார்பில் எனது நெஞ்சார்ந்த பாராட்டுகளையும், வாழ்த்துகளையும் தெரிவித்துக்கொள்கிறேன். எளிய பின்புலம் கொண்ட காசிமாவின் வெற்றியை, தமிழக மக்கள் கொண்டாடி வரும் சூழலில் தமிழ்நாடு அரசு தொடர்ந்து காசிமாவிற்கு உறுதுணையாக இருக்க வேண்டும் என மனிதநேய மக்கள் கட்சி சார்பில் கேட்டுக்கொள்கிறேன்.