சின்னத்திரையில் தனக்கென தனி பாதையில் கொடிகட்டிப் பறக்கும் கலைஞர் தொலைக்காட்சியும், சின்னத்திரை தொடர்களில் தனி முத்திரை பதித்திருக்கும் விகடன் டெலிவிஸ்டாஸ் நிறுவனமும் “ரஞ்சிதமே” என்கிற புத்தம் புதிய மெகா த்தொடருக்காக இணைந்திருக்கிறது. வருகிற ஜூலை 17-ந் தேதி முதல் திங்கள் முதல் சனிக்கிழமை வரை இரவு 7.30 மணிக்கு ஒளிபரப்பாகஇருக்கும் இந்த “ரஞ்சிதமே” மெகாத் தொடரை இனியன் தினேஷ் இயக்கியிருக்கிறார். இந்தநெடுந்தொடரில், நாயகி ரஞ்சிதாவாக மனிஷாஜித்தும், மாமியாராக ரூபாஸ்ரீயும், நாயகனாக சதீஷூம், முக்கியகதாபாத்திரங்களில் ஹரிநந்தன், ராம்ஸ் உள்ளிட்டோர் நடித்திருக்கிறார்கள்.*******
பாஸ்கர் ஒளிப்பதிவுசெய்கிறார். யதார்த்த கதைக்களத்தில் குடும்ப பின்னணியில் உருவாகி வரும் இந்த நெடுந்தொடரில், மகன் மீது அதீதபாசம் கொண்ட அம்மா, மகனுக்கு திருமணமாகிவிட்டால் தன்னை விட்டு பிரிந்து விடுவானோ என்று பயப்படுகிறார். மற்றொரு புறம் தன் அக்காவின் கணவரால் துன்புறுத்தலுக்கு உள்ளாகும் நாயகி சென்னைவந்து நாயகனின் வீட்டில் குடியிருக்கிறார். இவர்களுக்குள் நடக்கும் காதல், மோதல், குடும்பச் சிக்கல்களைசுற்றி குடும்பங்கள் விரும்பும் விதமாக விறுவிறுப்பான மெகாத்தொடராக “ரஞ்சிதமே” உருவாகியிருக்கிறது.
