தயாரிப்பாளர் கே.டி.குஞ்சுமோன் இயக்குனர் ஷங்கரை அறிமுகப்படுத்தி ‘ஜென்டில்மேன்’ படத்தை தயாரித்தார். இப்படம் வெளியாகி 30 வருடங்களாகிய நிலையில், இரண்டாம் பாகமாக ‘‘ஜென்டில்மேன்-2’’ படத்தை தயாரிக்கும் பணிகளில் தீவிரமாக ஈடுபட்டுள்ளார், தயாரிப்பாளர் கே.டி.குஞ்சுமோன். ஏ.கோகுல் கிருஷ்ணா இந்தப்படத்தை இயக்குகிறார். இசையமைப்பாளர. எம்.எம்.கீரவாணி இந்தப்படத்திற்கு இசையமைக்கிறார். பாடல்களை வைரமுத்து எழுதுகிறார். இதன் முதல் கட்டமாக பாடல் பதிவு வேலைகள் ஆரம்பமாகிறது. கொச்சியில் இருக்கும் ‘போல்காட்டி பேலஸ் தீவில்‘ பாடல் பதிவு நடப்பதற்கு ஏற்பாடு செய்துள்ளார் கே.டி.கே. இதற்காக, இசை அமைப்பாளர் எம்.எம்.கீரவாணி கவிஞர் வைரமுத்துவும் கொச்சிக்கு சென்றுள்ளார்கள்.
எம்.எம்.கீரவாணி தமிழில் இசையமைப்பாளராக அடியெடுத்து வைத்த ‘பாட்டொன்று கேட்டேன்‘, சேவகன், வானமே எல்லை, ஜாதி மல்லி உள்ளிட்ட பல படங்கள் மூலம் இவர்கள் இருவரும் இணைந்து பல பாடல்கள் கொடுதுள்ளார்கள் என்பது குறிப்பிடத்தக்கது. இந்த கூட்டணியுடன், இந்திய அளவில் பிரமிக்க வைத்த பட பாடல்களை தயாரித்த மெகா தயாரிப்பாளர்கே.டி.குஞ்சுமோன் இணைந்து உருவாகுவது சிறப்பு வாய்ந்தது. இந்தப்படத்தில் பங்குபெறும் நட்சத்திரங்கள் மற்றும் தொழில்நுட்ப கலைஞர்களின் விபரங்கள்அடுத்தடுத்து வெளிவரும். விரைவில் படபிடிப்பு ஆரம்பமாகும்.
