*அனைத்துலகப் புத்தாக்கப்* போட்டி ஒன்றில்
அனைவரையும் வென்று *முதல் பரிசு தங்கம்*
தனக்கென்று பெற்ற *கபி நயா* என் கின்ற
தமிழ்ப்பள்ளி மாணவியே *வாழ்க , வாழ்க ;*
மனம்விரும்பும் *மகிழம்பு தமிழப் பள்ளி*
மாணவர்கள்,ஆசிரியர், பெற்றோ ருக்காய்
தினச்செய்தித் தாள் *மக்கள் ஓசை* இன்று
தெம்பூட்டும் *படச்செய்தி* வெளியிட் டுள்ளார் !
மகிழம்பு தமிழ்ப்பள்ளி மாண விக்கு
வாய்த்திட்ட இப்பரிசால் பள்ளி சார்ந்தோர்
மகிழ்ச்சியிலே திளைத்துள்ளார் ! எனினும் , அந்த
மகிழம்பு பள்ளியினைத் தம்கண் போல
மிகப்பொறுப்பாய்ப் பராமரித்த *டத்தோ தஸ்லீம்*
மேலுலகில் இருந்துகொண்டு *கபிந யாவை*
அகப்பூர்வ மாய்வாழ்த்தி மகிழ்வார் என்றே
அப்பள்ளி சார்ந்தவர்கள் உணர்வார் ; உண்மை !
மண்ணில்வாழ்ந் திருந்திட்ட போதே இந்த
மகிழம்பூ தமிழ்ப்பள்ளி யோடு மற்றத்
தன்னிகரில் லாதசில சுற்று வட்டத்
தமிழ்ப்பள்ளிக் காதரவாய் இருந்து வந்த
பொன்னிகர்த்த மனம்கொண்ட *டத்தோ தஸ்லீம்*
புகழ்கூறக் *கபிநயா* வெற்றி உண்டே !
கண்ணிகர்த்த தமிழ்மொழியின் வளர்ச்சிக் காகக்
காலமறிந் துதவியவர் *தஸ்லீம்* வாழ்க !
தமிழ்ப்பள்ளி மாணவர்கள் அண்மை நாளாய்
தரணியள வில்நடக்கும் போட்டி தம்முள்
தமிழினத்தார் பெருமையுறும் வண்ணத்தோடும்
தம்நாடு *மலேசியமும்* சிறக்கு மாறும்
இமைவிரிய உலகளவில் பரிசு பெற்றே
இனிப்பூட்டி வருவாருள் முதலி டத்தில்
அமைந்த *கோ மதி* அவர்தம் மாண வர்கள்
அணுகுவழி தொடருமனை வருமே வாழ்க !
*பாதாசன்*
