தேவையற்ற பிரச்சினையைப் பேசி டாமல்
தினந்தோறும் இந்தியரை இருக்கக் கோரித்
தேவையெனத் தாம்கருதும் கருத்தை அன்று
திடமாக உரைத்த *பிர தமரும்* இன்று
தேவையெனத் தாம்நினைக்கும் சிக்கல் பற்றித்
திறம்படவே விவரிக்கும் மனுஅ ளித்துத்
தீர்வையுடன் சொல்கவென இசுலாம் மக்கள்
திரண்டுள்ளார் ; அவர்க்கென்ன பதில்யார் சொல்வார் ?
மனுக்கொடுத்த இசுலாம்சார் சமூகத் தாரும்
வாய்பொத்திக் கைகட்டி இந்தி யர்போல்
மனுக்கொடுக்கா(து) அடங்கிடத்தான் வேண்டும் என்று
மாண்புமிகு பிரதமரும் சொல்வா ராமா ;
மனுக்கேற்ற நடவடிக்கை எடுத்தே இஸ்லாம்
மக்கள்மனம் மகிழ,எதும் செய்வா ராமா ?
மனுக்கொடுத்தல் முசுலிம்கள் உரிமை என்றால்
மனுவழங்க இந்தியர்க்கும் உரிமை உண்டே !
இந்தியர்கள் மனுத்தரவும் முனைய வில்லை ;
இதற்காக ஊர்வலமும் நடத்த வில்லை !
வெந்ததனைத் தின்றுவிட்டு மனத்துக் குள்ளே
வந்தவற்றை வெளிப்படுத்தக் கூடா தென்று
நொந்துகிடக் கின்றநலி இந்தி யர்தம்
நோதலினைப் புரிந்துகொண்டே அவர்கள் சார்பாய்
இந்தமனு வைஅரசுக்(கு) முசுலிம் தந்தார் !
இதற்குநன்றி உடனுரைத்தார் இந்தி யர்கள் !
மதச்சார்பு மனுவுக்குள் ஊறு காயாய்
மணக்கின்ற தாம்மலேசி யர்தம் வாசம் !
இதமான சுகமளிக்கும் இக்கொள் கைக்குள்
இருக்கின்ற ஒற்றுமையால் மனித நேயப்
பதத்தால்நம் அரசாங்கம் மக்க ளுக்கே
பலன்தந்தால் எல்லார்க்கும் நன்மை தானே !
வதைபடுநம் *நாற்பதுபி* மக்கட் குள்ளே
*மலாயர்களும்* இருப்பதனை மறப்பார் யாரோ !?
கூட்டணிசேர் கட்சிகளின் முடிவின் போரில்
கூட்டாக *ஒற்றுமை* சார் கட்சி இன்று
ஆட்சியின்று நடக்கவில்லை ; அதற்கு மாறாய்
அனைத்(து) *எம்.பி.* உறுப்பினரை அழைத்துப் பேசி
மாட்சிமைசார் மாமன்னர் செய்த பேற்றால்
மலேசியத்தில் இற்றையநாள் அமைந்தி ருக்கும்
ஆட்சியிதில் எல்லார்க்கும் நன்மை கிட்ட
ஆனவழி செய்வதுதான் அரசு நீதி !
*பாதாசன்*
