*செல்விருந்து மாமன்னரும்*
*வருவிருந்து மாமன்னரும்*
வந்தவிருந் தினரான *முன்னாள்மா மன்னர்*
மக்கள்மனம் நிறைந்தபடி *நல்லாட்சி* தந்தே
*அந்தவொரு இக்கட்டும்* சூழ்ந்திருந்த நாட்டை
ஆபத்தி லிருந்தன்று *காப்பாற்றி னாரே !*
எந்தவொரு நன்றிசொல்லிப் பாராட்டி னாலும்
இன்று *செல்லும்* விருந்தினராம் மாமன்னர் அன்று
சிந்தித்துச் *செய்தசெயல்* அதற்கேதும் ஈடாய்த்
தேர்ந்துசொல ஏதுமிலை ; *செல்விருந்தே* வாழ்க !
செல்விருந்தாம் முன்னாள்மா மன்னருமே இன்று
சீர்,சிறப்பாய் தம் *பாகாங்* மாநிலமே சென்றார் !
நல்விருந்தாய் *வருவிருந்தாய்* மாநிலமாம் *ஜோகூர்*
*சுல்தானும்* இன்றுதலை நகரத்தை அடைந்தே
இல்லமதாம் மாமன்னர்க் குரித்தான அதனில்
இன்பமிகு சூழ்நிலையில் குடிபுகுந்தார் ; அவரைச்
சொல்லாலும் நினைவாலும் வரவேற்றோம் ; ஜோகூர்
சுல்தானே,மாமன்னா வருகவென வாழ்த்தி !
*பதினேழாம் மாமன்னர்* பொறுப்பினையே ஏற்றுப்
பல்லினத்தார்,பன்மதத்தார் வாழுகின்ற நாட்டில்
அதிபுகழைப் பெறும்வண்ணம் ஆட்சியினை நடத்தும்
அலாவுதினின் விளக்கினைப் பெற்றமா மன்னர்
மதிக்கூர்மை பெற்றவராம் மக்களெலாம் அறிவோம் !
மாமன்னர் நாட்டிலின்று நடமாடும் *ஊழல்*
*சதித்திட்டம் , இனவாதம், மதவாதம்* யாவும்
சரிந்துவிழும் கட்டடமாய்ச் செய்திடுவார் உண்மை !
பல்லினத்துப் பறவைகள்வாழ் *ஆலமர நாடு ;*
பன்னிறத்து மலர்போல்பல் லினத்தவர் *பூஞ் சோலை !*
நல்விதத்தில் பன்மதம்சேர் *ஒற்றுமைத்தேன் கூடு !*
ஞாயமெது நீதியெது இரண்டினையும் நன்கு
பல்விததும் ஆராய்ந்து முடிவுசெய் *மா மன்னர்*
பதவியிலே அமர்ந்துள்ள ஜோகூரின் சுல்தான்
சொல்,செயல்,எண் ணம்மூன்றில் துலாக்கோல்போல் நேர்மை
சூழ்ந்தமா மன்னவரே *வருவிருந்தே* வருக !
*பாதாசன்*
