இந்தியர்கள் நேற்றுவரை அரசியலில் *ஆணி !*
இத்தேர்த லில்மாற்றார் வெற்றிக்கே *தோணி !*
எந்தவிதம் இதுநமக்கே எதிர்நாளில் *இலாபம் ?* என்பதுதான் கேள்விஇன்றே யார்சொல்வார் பதிலை ?
சந்ததியர் வாழ்நாளும் என்னகதி ஆகும் ;
தலைவர்களும் இதைவிரிவாய் ஆராய்ந்தா ராமோ ?
அந்தநாள் இந்தியர்தம் ஆதரவில் ஆண்ட
அரசியலில் *முதன்மையினர்* இதைமறந்தார் ஏனோ ?
இந்தியர்தம் மக்கள்தொகைக் கேற்ப *ஒரு கட்சி*
இல்லையெனில் மறுகட்சி *இருகட்சி* போதும் !
இந்தமன நிறைவின்றி *பலகட்சி* தம்முள்
இணைந்ததனால் இந்தியருள் அன்றிருந்த *ஒருமை*
சந்திசிரிக் கும்வகையில் குலைந்திருக்கும் போது
தமிழர்களோ, இந்தியரோ தனிவலிமை இல்லாக்
குந்தகத்தால் தான்பிறரும் இந்தியர்தம் *வாக்கை*
கொஞ்சமுமே மதிக்காமல் கூறுகிறார் நிந்தை !
*ஆணியாக* இருந்தநமைப் பிடுங்கிவிட எண்ணி
அயலருடன் கைகோத்தே இந்தியர்கள் இன்று
*தோணி*_யென அயலவர்க்கே ஆகிவிட்டால் இங்கே
*தொட்டதெலாம் நமக்கென்றும் பொன்னாகும்* என்னும்
பாணியிலே அரசியலை நடத்தும்நம் போக்கும்
பலன் தருமா ; நலம் தருமா ? *யோசிப்பீர் நன்றே !*
ஆணிதனை அரசியலாம் சுவரினிலே அடித்தே
*அரும்பதவி யுடன்படமும் மாட்டிவைப்பின் மேன்மை !*
*அரசியலார் பைதூக்கும்* வேலையது வாயின்
அவ்வேலை இந்தியர்கள் செய்வதனைத் தவிர்த்தே
இரந்துண்டு வாழ்வதுவே இந்தியர்தம் *வாக்குக்(கு)*
இருக்கின்ற *மதிப்பென்றால்* வாக்குகளைப் போடும்
கரந்தன்னை வெட்டிவிடத் தோன்றுதையா ! இன்று
காசுக்கும் வேறெதற்கும் தன்வாக்கை விற்கும்
மரமண்டைக் குள்ளிருக்கும் மூளைதனைத் தோண்டி
*மந்திக்கு விருந்திட்டால் அதைத்தள்ளும் மந்தி !*
*பாதாசன்*
