*ஜ.செ.க.,* வரலாற்றைப் பார்க்கின் றேன்நான் ;
தண்ணீரில் குளித்திடினும் வியர்க்கின் றேனே !
*ம.செ.க.* சிங்கைதனை ஆளும் நாளில்
*மலேசியத்தில்* இணைந்ததுவும் இரண்டே ஆண்டில்
*ம.செ.க.,* வை *நாமும்* நீக்கி விட்டோம் !
மனமார பிரிட்டீசார், ம்றுப்பே இன்றி
*ம.செ.க.,* ஆளுகின்ற சிங்கைக் கேதான்
மகிழ்வுடனே சுதந்திரத்தை வழங்கிவிட்டார் !
மலேசியத்தில் இணைந்திருந்த சிங்கைத் தீவும்
மாறுபட்ட கொள்கையினால் பிரிந்த போது
மலேசியத்தில் *ம.செ.க.,* பேரும் முற்றாய்
மாறியதாம் *ஜ.செ.க.,* என்ப தாக !
மலேசியத்தில் *சென்மான்ஹின்* தலைமை யின்கீழ்
மதிப்பாக *ஜ.செ.க.,* வளர்ந்த தோடு
மலேசியத்தில் *லிம்கிட்சி யாங்* கும் நன்கு
வலுமிக்க எதிர்க்கட்சி ஆக்கி வைத்தார் !
மக்கள்தொண்டன் *வி.டேவிட் ,கர்ப்பால்,பட்டு*
மாசற்ற தொண்டினையே வழங்கி னார்கள் !
முக்கியமாய் இந்தியர்கள் *ஜ.செ. க.வை*
முதல்நிலைசார் எதிர்க்கட்சி யாகச் செய்தார் !
முக்கிமுக்கி *ஜ.செ.க.,* முயற்சி செய்தும்
முன்னேறி ஆட்சியினை அமைப்ப தற்குச்
சிக்கலைத்தான் கண்டதுவாம் ! என்றா லும்தான்
சீரோடு *ஜ.செ.க.* செயல்பட் டாரே !
இந்தியர்க்கு *விழிப்புணர்வை* ஏற்ப டுத்த
*இண்ட்ராஃபும்* *பேரணியைக்* கூட்டிட் டன்றே !
அந்தப்பே ரணியாலே விழிப்பு ணர்வை
அடைந்தார்கள் இந்தியர் என்ப தற்கு
வந்ததொரு சாட்சியதாம் ; *ம.இ. க.வை*
*மறந்திட்டார் இந்தியர்கள்* என்ப தாமே !
இந்தியரை விழிப்புணர்த்த வந்த *இண்ட்ராஃப்*
இப்போது விழிப்புணர்வை இழந்த தாமோ ?
விழிப்புணர்வுப் பேரணியால் இந்த நாட்டில்
விளைந்தபயன் ; *ஜ.செ.க* அரசாங் கத்தில்
செழிப்புடனே *பங்கெடுக்க* வழியா யிற்று ;
செல்லாத காசாக இந்தி யர்கள்
இழிவுறவே *பேரணியும்* செய்தா யிற்றே !
இந்தியர்கள் *ஒற்றுமையோ* சிதறு தேங்காய்க்
கழிவெனவே சிதறியதே ஐயோ ! ஐயோ !!
கதியிதனை விருந்துவைத்து நாம ழைத்தோம் !
இந்தியர்கள் இந்நிலையில் தாழ்ந்த தற்கே
இவர்க்குள்ளே *பலகட்சி உருவாக் கம்தான்*
முந்திநிற்கும் *காரணமாம்* இதுவே உண்மை !
முதன்முதலாய் தோன்றியநாள் முதல் *ஜ. செ.க*
எந்தவொரு *பிளவுமின்றி ஒன்று பட்டே*
இயங்குவதால் இன்றாளும் அரசுக் குள்ளே
சந்ததமும் சேர்ந்திருக்கும் நிலைக்கா ளானார் !
சந்தியிலே இந்தியர்கள் நிற்கின் றாரே !
ஆண்டதொரு *தே.மு.வின்* உறுப்பாய் வாழ்ந்த
அக்கட்சி *ம .இ.கா.,* ஒற்று மையை
நீண்டபெருங் குழிக்குள்ளே புதைத்த தாலே
நெடும்பெருமை இன்றிழந்தார் ; வெந்தார் ; நொந்தார் !
தோன்றியநாள் முதலாக ஒற்று மையை
ஊன்றிவரும் காரணத்தால் *ஜ.செ. க.வும்*
ஊன்றியதே அரசுக்குள் ஆழ மாக !
*உணர்வீரே இந்தியரே இன்றே நன்றே !*
*பாதாசன்*
