பிரதமர்தம் துறையினுக்கே மீண்டும் *மித்ரா*
பெயர்ந்திருக்கும் மகிழ்வான செய்தி கேட்டு
*வரம்* கிடைத்த உணர்வினிலே இந்தி யர்கள்
மனம்குளிர்ந்தே இருக்கின்றார் ! இம்மாற் றத்தைச்
சிரமமின்றித் *தாமதமாய்ச்* செய்தி ருக்கும்
தெளிவுபெற்ற பிரதமர்க்கு நன்றி ; அன்னார்
விரைவினிலே *மித்ரா* வின் வளர்ச்சி தன்னை
மேடாக்கு வாரென்று நம்பு கின்றோம் !
தம்முடைய நேரடிப்பார் வையில் *மித்ரா*
சரியாக இனியேனும் செயல்பட் டாகத்
தம்முடைய முழுமையான அதிகா ரத்தைத்
தவறாமல் மறவாமல் பயன் படுத்தி
இம்மலைய நாட்டிலுள்ள இந்தி யர்கள்
எதிர்நோக்கும் *நிதிஇடரைப்* பிரத மர்தான்
*இம்* என்னும் முன்னாலே தீர்ப்பார் என்னும்
நம்பிக்கை துளிர்விடவே காணு கின்றோம் !
*தந்தை* தன் பிள்ளைகையில் செலவுக் காகத்
*தந்தபணம்* முறையாகச் செலவ ழிக்கும்
சிந்தை,பிள்ளை யிடம்உளதா ? என்ப தைத்தான்
சீராகத் *தந்தை* யவர் கண்கா ணிக்க
முந்திநிற்கத் தவறிவிட்டால் கொடுத்த காசு
முழுவதுமே வீணாகிப் போகும் வாய்ப்பு
வந்துவிடும் *மித்ரா* வில் ; அந்தச் சூழல்
வாராமல் இருப்பதற்கோர் வழியும் உண்டு !
அந்தவழி என்னவழி ; பிள்ளை கையில்
அளித்தபணம் வீணாகும் வழியும் தானே
என்னவழி எனத்தந்தை கண்கா ணித்தால்
எல்லாமே சரியாகும் ; *மித்ரா* வுக்கும்
தந்தபணம் வீணாகும் வழியை முற்றாய்த்
*தந்தை* எனும் *பிரதமரும் கண்கா ணித்தால்*
எந்தவகை முறைகேடும் *மித்ரா சொத்தில்*
ஏற்படவே வழியுண்டா ? அரசே சிந்தி !
*பாதாசன்*
