*மெட்ரிக் குலேசன்* படிப்பதற்கே
விண்ணப் பித்த மாணவர்கள்
*தட்டுக் கீழாம்* நிலைசார்ந்த
தகவே குறைந்த இந்தியர்தம்
மொட்டு மலரா மாணவர்கள்
மொத்த *இருநூற் றாற்றிளையோர்*
கெட்டித் தனமாய்ப் படித்தோர்க்குக்
கிடைக்க விலையே வாய்ப்பின்று !
“கஷ்டப் படவே வேண்டாமே
கண்டிப் பாக இடம்கிடைக்கும்
இஷ்டப் படியே படிப்பதற்கே
இடமும் கிடைப்பது நிச்சயமென்(று)”
*அஸ்மின்* அழகாய் உரைத்துள்ளார் !
அனைத்து மாணவர்க்(கு) இன்றையநாள்
நஷ்டம் ஏற்படப் போவதில்லை
நன்றாய்ச் சொன்னார் அவருந்தான் !
*அசுமின்* அவர்க்கே இடம்கிடைக்கும்
அப்படி யானால் அவ்விடங்கள்
விசும்பி நிற்கும் மாணவர்க்கே
வேண்டும் ! வேண்டும் கிடைத்திருக்க !
நசுக்கப் பட்ட எறும்பாக
நலிந்தார் இன்று மாணவர்கள் ;
கசக்கிப் பின்னே முகர்மலராய்
கதறி நிற்கின் றார் , ஐயோ !
*பாதாசன்*
