நீதிமன்றங்களில் மாநில மொழிகளின் பயன்பாட்டைக் கொண்டுவருவதற்கான முயற்சிகள் தீவிரமாக நடைபெற்று வருகின்றன. இது தொடர்பாக அனைத்து நீதிபதிகளிடமும் பேசி வருகிறேன். நீதிமன்றங்களில் உள்ளூர் மொழிகளில் வழக்காட அனைத்து நீதிபதிகளும் ஆதரவு தெரிவித்துள்ளனர்” என இந்திய அரசின் சட்டத்துறை அமைச்சர் கிரண்ரிஜிஜூ கூறியுள்ளது வரவேற்கத் தக்கதாகும்.
ஆனால், உயர்நீதிமன்றங்களில் மாநில மொழிகள் நீதிமன்ற மொழியாக முடியாமல் சட்டத் தடை உள்ளது. மாநில உயர்நீதிமன்றத்தின் தலைமை நீதிபதியாக வெளிமாநிலத்தைச் சேர்ந்த ஒருவர்தான் நியமிக்கப்படவேண்டும் எனவும், உயர்நீதிமன்றத்தில் உள்ள நீதிபதிகளில் மூன்றில் ஒரு பங்கினர் வெளிமாநிலங்களைச் சேர்ந்தவர்களாக இருக்க வேண்டும் என 1975ஆம் ஆண்டு அவசர நிலை காலத்தில் சட்டத் திருத்தம் செய்யப்பட்டது. இதன்விளைவாக மாநில மொழிகள் உயர்நீதிமன்ற மொழியாக முடியாத நிலைமை நீடிக்கிறது. இந்தச் சட்டத்தை திருத்தினாலொழிய மாநில மொழிகள் அந்தந்த மாநிலங்களில் நீதிமன்ற மொழியாக முடியாது.
