சென்னை, நந்தம்பாக்கம் வர்த்தக மையத்தில், இம்மாதம் 8ம் தேதி துவங்கிய, ‘புராப்பர்டி பேர் 2022 – எக்ஸ்போ’ இன்று நிறைவுபெறுகிறது. இதில் பொதுமக்கள் வசதிக்காக தமிழ்நாடு வீட்டு வசதி வாரியம் சார்பில், வீட்டு வசதி வாரியத்தால் புதிதாக செயல்படுத்தப்பட்டு வரும் திட்டங்கள் மற்றும் ஏற்கனவே செயல்படுத்திய திட்டங்களில், விற்பனைக்கு தயார் நிலையில் உள்ள மனைகள், தனி வீடுகள், அடுக்குமாடி குடியிருப்புகள் ஆகியவற்றை விற்பனை செய்ய முழு விபரங்கள் காட்சிப்படுத்தப்பட்டு உள்ளன.
தமிழக வீட்டு வசதி வாரிய தலைவர் திரு. பூச்சி எஸ் முருகன் அவர்கள் இன்று (10.07.2022) காலை இந்த அரங்கை நேரில் பார்வையிட்டார். மேற்பார்வை பொறியாளர் ஶ்ரீதர், செயற்பொறியாளர் காந்தி உள்ளிட்ட துறை அதிகாரிகள் உடன் இருந்தனர்.
