எண்பது தொண்ணூறுகளில் வெளியான படங்கள் குறிப்பாக ரஜினிகாந்த், கமல்ஹாசன் ஆகியோரின் படங்கள் டிஜிட்டலுக்கு மாற்றப்பட்டு வருகின்றன. அப்படி மறுபதிப்பு செய்யப்படும்போதும் கூட அந்த படங்கள் வெளியான சமயத்தில் பெற்ற அதே வரவேற்பை இப்போதும் பெற்று வருகின்றன. இந்த நிலையில் விரைவில் கமலின் பிறந்தநாள் வருவதை முன்னிட்டு 1987ல் அவர் நடித்த நாயகன் திரைப்படம்டிஜிட்டலுக்கு மாற்றப்பட்டு ரீ ரிலீஸ் செய்யப்பட இருக்கிறது. இந்த படத்தை தற்போது டிஜிட்டலுக்கு மாற்றி ரீரிலீஸ் செய்கிறது. எஸ்.ஆர். பிலிம் பேக்ட்ரி நிறுவனம். இந்த படத்தின் தமிழ்நாடு, கேரளா, கர்நாடகா வெளியீட்டுஉரிமையை ஏடிஎம் புரொடக்ஷன்ஸ் நிறுவனம் பெற்றுள்ளது.*****^^
மணிரத்னம் இயக்கத்தில் உலகநாயகன் கமல்ஹாசனின் மாறுபட்ட நடிப்பில் இசைஞானி இளையராஜாவின்இசையில், பி.சி.ஸ்ரீராமின் அழகியல் ஒளிப்பதிவில் ஒரு மிகப்பெரிய கல்ட் கிளாசிக் படமாக நாயகன்வெளியானது. சிறந்த நடிகர், ஒளிப்பதிவாளர், கலை இயக்குநர் என மூன்று தேசிய விருதுகளை வென்ற இந்தபடம் இன்றளவும் இதுபோன்று கல்ட் கிளாசிக் படங்களை இயக்க விரும்பும் இளம் இயக்குனர்களுக்கு ஒருபாடப்புத்தகமாகவே திகழ்கிறது.
டிஜிட்டலுக்கு மாற்றப்பட்டு வெளியாக உள்ள நாயகன் படம் குறித்து, தனது ஏடிஎம் நிறுவனம் மூலம் இந்தப்படத்தை வெளியிடும் விநியோகஸ்தரான மதுராஜ், நடிகர் அரீஷ்குமார் ஆகியோர் பத்திரிகையாளர்களிடம் புதிய தகவல்களை பகிர்ந்து கொண்டனர்.
