‘சைரன்’ திரைப்பட விமர்சனம்

சுஜாதா விஜயகுமார் தயாரிப்பில் அந்தோணி பாக்கியராஜ் இயக்கத்தில் ஜெயம் ரவி, கீர்த்தி சுரேஷ். யோகிபாபு, சமுத்திரகனி, அழகம் பெருமாள், அனுபமா பரமேஸ்வரன் ஆகியோரின் நடிப்பில. வெளிவந்திருக்கும் படம் ‘சைரன்‘. செய்யாத கொலை குற்றத்திற்காக சிறையில் ஆயுள் கைதியாக இருக்கும் ஜெயம் ரவி 7 நாட்கள் தற்காலிக விடுமுறையில் வீட்டுக்கு வருகிறார். தற்காலிக விடுப்பில் இருக்கும்போது நான்கைந்து கொலைகள் நடக்கின்றன. இந்த கொலைகளை யார்? எதற்காக செய்கிறார்கள்? என்பதுதான் கதை. மருத்துவ அவசர ஊர்தி ஓட்டுநராகஇருக்கும் ஜெயம்ரவி இளமைக்கால தோற்றத்தில் துள்ளிக்குதிக்கிறார். வயோதிக தோற்றத்தில் உச்சிமுதல் உள்ளங்கால்வரை அமைதி குடிகொண்டிருக்கிறது. திறைமையான அவரின் நடிப்பு அனைவரையும் கவர்கிறது. காவல்த்துறை ஆய்வாளராக வரும் கீர்த்தி சுரேஷின் சிரிப்பழகை படம் முழுவதும் காணமுடியவில்லை. இறுகிய முகத்துடன் இயல்பான நடிப்பை வெளிப்படுத்தியிருக்கிறார். வில்லத்தனத்தை சமுத்திரக்கனி நாசூக்காக வெளிப்படுத்தியிருப்பது வியக்க வைக்கிறது. யோகிபாபுவின் நகைச்சுவை காட்சிகள் படத்திற்கு பலம் சேர்கிறது.