தமிழ் திரைப்பட பத்திரிக்கையாளர் சங்கத்தில் நடிகர் சூரி இந்திய தேசியக் கொடியை ஏற்றினார்

இந்தியாவின் 75 ஆவது சுதந்திர தினத்தை முன்னிட்டு நாடு முழுவதும் சுதந்திர தினம் கோலாலமாக கொண்டாடப்பட்டது. இந்நிலையில் தமிழ் திரைப்பட பத்திரிக்கையாளர்கள் சங்கம் சார்பாக இந்திய தேசிய கொடியேற்றி உறுப்பினர்களுக்கு இனிப்புகள் வழங்கப்பட்டு சுதந்திர தினம் விமர்சையாக கொண்டாடப்பட்டது. சங்கத்தின் தலைவி கவிதா அனைவரையும் வரவேற்றார். சிறப்பு விருந்தினராக நடிகர் சூரி கலந்து கொண்டு சங்கத்தின் சார்பாக கொடி ஏற்றி விழாவை சிறப்பித்தார். அவருக்கு சங்கத்தின் சார்பில் தலைவி கவிதா நினைவு பரிசு வழங்கினார். பொருளாளர் நவநீதன் பொன்னாடை அணிவித்தார்.