இயக்குநர் கௌதம் வாசுதேவ் மேனன் இயக்கி வரவிருக்கும் திரைப்படமான ‘ஜோஷ்வா இமைபோல் காக்க‘ திரைப்படத்தில் கதாநாயகனாக அவதாரம் எடுத்துள்ளார் நடிகர் வருண். இதுபற்றி வருண் கூறியதாவது. “கௌதம் வாசுதேவ் மேனன் போன்ற புகழ்பெற்ற இயக்குநருடன் இணைந்து பணியாற்றுவது எந்தவொரு ஆர்வமுள்ள நடிகருக்கும் கனவு. அது எனக்கு நிறைவேறி இருக்கிறது. எல்லா கதாநாயகர்களும் அவரது இயக்கத்தில் உருவாகும் காதல் கதையில்தான் நடிக்க விருப்பப்படுவார்கள். ஆனால், அவர் என்னை அதிரடி கதாநாயகனாக மாற்றியது எனக்கு மகிழ்ச்சியாக இருந்தது. அவருடன் பணிபுரிந்தது எனக்கு முழுமையான ஆசீர்வாதம். சூர்யா சார், அஜித் சார், கமல் சார் போன்ற தமிழ் சினிமாவின் நட்சத்திர கதாநாயகர்களை கெளதம் சாரின் திரைப்படங்களில் பிரமிப்புடன் பார்த்திருக்கிறேன். இந்தப் படத்தில் அதிரடி கதாநாயகனாக நான் நடித்தது உண்மையிலேயே நம்பமுடியாத அனுபவமாகஇருந்தது. ‘ஜோஷ்வா இமை போல் காக்க‘ அதிரடிக் காட்சி பிரியர்களுக்கு நிச்சயம் ஒரு விருந்தாக இருக்கும. என்பதில் சந்தேகமில்லை.**********
ஆக்ஷன் டைரக்டர் யானிக் பென் மற்றும் அவரது குழுவினரின் பணியைஒவ்வொரு ஃப்ரேமிலும் பார்க்க முடியும். என்னுடைய சக நடிகர்களான ராஹே, கிருஷ்ணா மற்றும் பிறரின்அசைக்க முடியாத ஆதரவிற்காக எனது நன்றியை தெரிவித்துக் கொள்கிறேன்” என்றார். ‘ஜோஷ்வா இமை போல் காக்க‘ படத்தை கௌதம் வாசுதேவ் மேனன் எழுதி இயக்கி இருக்க, வேல்ஸ்பிலிம் இன்டர்நேஷனல் டாக்டர் ஐசரி கே கணேஷ் படத்தைத் தயாரித்து இருக்கிறார். இந்ததிரைப்படத்தில் ராஹே கதாநாயகியாக நடித்திருக்க, கிருஷ்ணா முதல் முறையாக வில்லனாகநடித்திருறார்.
தொழில்நுட்ப குழு: ஒளிப்பதிவு: எஸ்ஆர் கதிர் ஐஎஸ்சி, எடிட்டிங்: ஆண்டனி, இசை: கார்த்திக், கலை இயக்குநர்: குமார் கங்கப்பன், ஆடைகள்: உத்தாரா மேனன், பாடல் வரிகள்: மதன் கார்க்கி, விவேக், விக்னேஷ் சிவன், சூப்பர் சுபு, கானா குணா, ஆக்ஷன்: யானிக் பென், நிர்வாக தயாரிப்பாளர்: கே அஸ்வின் குமார், கலரிஸ்ட்: ஜி பாலாஜி, ஒலி வடிவமைப்பு: சுரேன் ஜி & அழகியகூத்தன், ஒலிக்கலவை: சுரேன் ஜி.
